ဂုံသျှမ်း(Hkun)

ဂုံသျှမ်း(Hkun)

November 13, 2013 at 4:47pm
ဂုံသျှမ်းလူမျိုးများသည် သျှမ်းပြည်နယ် အရှေ့ပိုင်းရှိ သျှမ်းတိုင်းရင်းသားများ ဖြစ်သည်။ ဂုံသျှမ်းလူမျိုးများကို တနည်းအားဖြင့် တိုင်းခင် လူမျိုးဟုလည်းခေါ်သည်။ ဗုဒ္ဒ မပွင့်မှီ BC ၂၁၆ ခန့်တွင် သျှမ်းလူမျိုးများသည် တရုပ်ပြည်တောင်ပိုင်းမှ အလယ်ပိုင်းသို့ လမ်းကြောင်း ၃ ကြောင်း ခွဲ၍ ဆင်းသက်လာကြရာ ဂုံသျှမ်းလူမျိုးများသည်၊ မြန်မာနိုင်ငံ အရှေ့ပိုင်း သံလွင်မြစ် နှင့် မဲခေါင်မြစ် အနောက်လမ်းကြောင်းအတိုင်း သျှမ်းပြည်နယ် အရှေ့ပိုင်းသို့ ရောက်ရှိလာကြသည်။ ကျိုင်းတုံ ဒေသ နမ့်ခင်ချောင်းဘေးတွင် နေထိုင်ကြသော သျှမ်း များဖြစ်သည်နှင့်အညီ နမ့်ခင်ချောင်းကို အစွဲပြု၍ တိုင်းခင် (ခ) ဂုံသျှမ်း ဟုခေါ်ဝေါ်ခဲ့ကြသည်..။ ဂုံသျှမ်းလူမျိုးများသည် သျှမ်းကိုးပြည်ဝင် ကျိုင်းတုံမြို့ (ကိန်းတုန်) တွင် နေထိုင်လျက် ရှိသည်။ ကျိုင်းတုံမြို့ကို ရှေးယခင်က စန္ဒာရကွမ်း ၊ ခေမရဋ် ၊ တုံဂပူရိ စသည်ဖြင့် ခေါ်ဝေါ်ခဲ့ကြသလို ခေမာဝရ တိုင်းဂုံပြည် ဟုလည်း ခေါ်ဝေါ်ခဲ့ကြသည်။
ကောဇာသကရာဇ် ၆၀၅ AD -1243 မှစ၍ ကောဇာသကရာဇ် ၁၃၂၄ ခုနှစ် AD – 1962 အထိ အုပ်ချုပ်ခဲ့သော စော်ဘွားဦးရေမှာ စုစုပေါင်း (၄၉)ပါးရှိသည်။ ဂုံသျှမ်း စာပေ ယဉ်ကျေး မှာ ရှေးယခင် ကပင် ရှိခဲ့သည်။ ဂုံရှမ်း စာပေများသည် အိန္ဒိယ ပြည်သုံး Brahmi နှင့် Sunskit အက္ခရာတို့ မှ တဆင့် ပလ္လ၀ အက္ခရာ အဖြစ်အသုံးပြုပြီး ခမင် (ခ) ခမာ လူမျိုးများမှ တဆင့် ထိုင်းနိုင်ငံ လာအို ၊ဇင်းမယ် ၊ကျိုင်းတုံတို့ မှတဆင့် ဆစ်ဆောင်ပန်နား အထိ အသုံးပြုခဲ့ကြသည်။ သျှမ်းပြည်နယ်မြောက်ပိုင်း ၀ နယ် ဟိုပန် ၊ ကွန်လုံ ၊ သိန္ဒီ နှင့် နမ့်ဆန် တို့တွင် လည်း ထိုစာပေ သုံးဆွဲမှုကို တွေ့ရသည်။ ဂုံသျှမ်းတို့ ၏ ရိုးရာ ထုံးစံ ထူးခြားချက်မှာ နှစ်သစ်ကူးပွဲတော် ဖြစ်သည်။
သမိုင်းအကျဉ်းချုပ်မှာ ဖရား ကျောက်မထု ကျိုင်းတုံမြို့ကို အုပ်ချုပ်စဉ် သက္ကရာဇ် ၇၇၂ ခုနှစ်တွင် ဟွေပွန် ဟူသောနေရာ မီးလောင်ကျွမ်းခဲ့ရာမှ မမျှော်လင့်ဘဲ တစ်နယ်လုံး မိုးခေါင် ရေရှား ဖြစ်သဖြင့် ငတ်မွတ်ခေါင်းပါးသည့် ကပ်ဆိုးကြီးနှင့် ရင်ဆိုင်ခဲ့ရသည်။ ထိုအခါ ဖရားကျောက်မထု က ပုဏ္ဏားများ အား တွက်ချက်စေသောအခါ ဥတ္တမ အမည် ရှိ ပုဏ္ဏားက ကျိုင်းတုံမြို့ ၏ နေ့နံသည် တနင်္လာနံ ဖြစ်သောကြောင့် ဂုံလူမျိုး အယူရှိသူ တစ်ယောက် ၏ ပါးစပ်တွင် တနင်္လာနံ လခြမ်းကို ငုံစေလျက် သင်္ကြန် အကျနေ့တွင် သဲပုံစေတီနှင့်တကွ ဖားရုပ်ကို ပူဇော်ပသပေးခဲ့ပါသည်။ ထိုနေ့မှပင် မိုးသည်းထန်စွာ ရွာသွန်းသဖြင့် တောင်သူလယ်သမားများ ထွန်ရက်စိုက်ပျိုး နိုင်ခဲ့ပါသည်။ ထို့ကြောင့် သင်္ကြန်ကာလ ရောက်တိုင်း နှစ်စဉ် ကျင်းပလာခဲ့ရာ -၁၂၆၀ ပြည့်နှစ် တွင် ကျိုင်းတုံ မြို့  ကို အုပ်ချုပ်သော စော်ဘွားကြီး စ၀်ကွန်ကျောက် အင်တလိုင်းက ကျိုင်းစံရပ်ကွက်ရှိ ဖယားဇာ အမျိုးအနွယ်ကို ရိုးရာ သင်္ကြန်ပွဲကို ဦးဆောင်ကျင်းပရန် တာဝန်ပေးခဲ့သည်။ သင်္ကြန်နေ့ မွန်းလွဲ ၁ နာရီတွင် မင်္ဂလာစည်တော် ကို ထုတ်ပြီး ကျိုင်းစံ ဘုန်းတော်ကြီးကျောင်း ရင်ပြင်တော်မှ မိုင်းယန်းမြို့ နယ် ဟာယန်ကင်း တောင်ပေါ်နေ တိုင်းလွယ်လူမျိုးအဖွဲ့  က မင်္ဂလာစည်တော်ကို ထုတ်တီးကာ အခမ်းအနားဖြင့်ချီတက်ကာ ညလုံးပေါက် တီးပေးသည်။ သင်္ကြန်အကျနေ့ မွန်းလွဲ ၁ နာရီတွင် မင်္ဂလာစည်တော်ကြီး ၊ သင်္ကြန်မင်း ရုပ်ထုနှင့် အလံဖြူ ၊အလံနီ ကိုင်ဆောင်သည့် အဖွဲ့  ကို မျိုးနွယ်ဝင် တစ်ဦး က မြင်းစီးပြီး ဦးဆောင်ကာ စီတန်းလှည့်လှည်ပြီး မိုင်းယန်းလမ်း အတိုင်း နမ့်ခင်ချောင်း သို့ ထွက်ခွာပါသည်။ ထိုအခါ ပြည်သူလူထုက တပျော်တပါး လိုက်ပါပို့ဆောင် ပြီး လမ်းခရီးတွင် လည်း ရေပက်ကစားသူများနှင့် စည်ကားလှပါသည်။ နမ့်ခင်ချောင်း လောင့်ကုတ် သို့ရောက်သောအခါ မင်္ဂလာသုတ် ရွတ်ဆိုပြီး ရွံ့ဖြင့် ပြုလုပ်သော ဖားရုပ်သင်္ကြန်မင်း ရုပ်ထုတို့ကို ချောင်းထဲသို့ မျှောချလိုက်ပါသည်။ မင်္ဂလာစည်တော်တီး အဖွဲ့ သည် လာလမ်းအတိုင်း မြို့ ထဲသို့ ၀င်ကာမြို့လယ်ရှိ ဗောဓိပင်ကြီး၌ ခေတ္တ ရပ်နားပါသည်။ ထိုအချိန်တွင် ဆွမ်တောင်း ဘုန်းတော်ကြီးကျောင်းမှ ရဟန်းတော် ၄ ပါး က အသင့်ပြင်ဆင်ထား သောပရိတ်ရေများဖြင့် ပက်ဖျန်းပြီး အခမ်းအနားကို ရုတ်သိမ်းလိုက်သည်။ သို့ဖြင့် ကျိုင်းတုံမြို့  သင်္ကြန်ပွဲ ကို ယနေ့ အထိ ကျင်းပဆဲ ဖြစ်ပါသည်။
ဂုံသျှမ်း သို့မဟုတ် တိုင်းခင်လူမျိုးတို့ အသုံးပြုသည် ဗျည်းအက္ခရာ
http://shanniyouth.blogspot.com/2010/10/hkun.html

No comments: